Go boa ga Khethiwe go ka tsosa seriti sa Generations: The Legacy

Go na le diphetogo tse dikgolo mo lefatsheng la metshameko ya thelebishene, ka ntlha ya gore motshameki Winnie Ntshaba o ikemiseditse go boa mo lenaneong la Generations: The Legacy.

O tla boela mo sebopegong sa ga Khethiwe Buthelezi, se a kileng a itsege thata ka sone.

Go ya ka mothopo o o tshepang, Winnie o tla simolola go bonala mo kgweding e e tlang mo SABC1 ka 8:30 bosigo.

Mothopo o senoletse gore kitsiso ya semmuso ya batshameki ba ba satswang go fitlha e lebeletswe mo bekeng e e tlang, mme bangwe ba bone ba tla simolola ka Lwetse.

Winnie o setse a simolotse go gapa ditshwantsho mme o rekodile dikarolo di le dintsi.

Mmueledi Eugene Cele ga a a ka a netefatsa kgotsa a gana ka botlalo gore Winnie o a boa.

O kopile batho go leta kitsiso ya semmuso e e tswang mo SABC le mo khampaning e e rekotang lenaneo.

Boemo jono bo tla morago ga hisitori e e raraaneng ya Generations, segolobogolo morago ga 2014 fa batshameki ba le 16 ba ne ba tlosiwa mo lenaneong.