DJ Tira o Batla Gore Dipolelo tsa Podcast di Phimolwe
Mogolwane wa Afrotainment, DJ Tira, o rometse temoso ya semolao go Sandile “Flymotion” Makhanya, gore a phimole dipolelo tse a di buileng mo potsolotsong ya podcast.
Mo lekwalong la semolao la 23 Phukwi, babueledi ba ga Tira ba re Makhanya o buile dilo tse e seng boammaaruri tse di senyang seriti sa ga Tira fa a ne a tlhagelela mo On Point With Sandy Nene Season 2.
Bare dipolelo tseo di ne di raya gore Tira o ne a sotla bataki ba Afrotainment mme di ne di mo golaganya le boitshwaro jo bo seng molaong le jo bo sa siamang ntle le bosupi.
Ba ganne gape dipolelo tse di reng Afrotainment ga e sa dira.
Go ya ka setlhopha sa semolao, dipolelo tseo di ka senya dikamano tsa ga Tira le bataki, batshegetsi ba madi, badirimmogo ba kgwebo le setšhaba, mme tsa mo bakela tatlhegelo ya madi.
Lekwalo leo le batla gore Makhanya a emise go boeletsa dipolelo tseo, a tlose dikgatiso tsotlhe tse di nang le tsona fa go kgonega, a phatlalatse phimolo ya phatlalatsa, mme a arabe mo malatsing a le supa.
