Will Smith o ntsha alebamo

Will Smith o itse go itlhamela dilo sesha.

Moopedi yono yo o nang le ditalenta tse dintsi o na le masomesome a dingwaga a laola mo kgwebong eno ya mmino.

Go simolola ka rapper yo o kileng a gapa sekgele sa Grammy go fitlha ka naledi ya Hollywood e e tumileng thata.

Mme morago ga go nna le mathata mo botshelong jwa gagwe le mo tirong ya gagwe.

Smith o ne a boela kwa metsweding ya gagwe ya mmino ka alebamo ya gagwe e e tlang ya Based on a True Story.

Porojeke e a e tlhalosang e le tiro ya gagwe e e neng ya dira gore a akanye thata.

“E tota ke ditlamorago tsa go itlhatlhoba ga me ga ntlha,” Smith a rialo.

“Pina nngwe le nngwe e bua ka karolo nngwe ya me e ke e lemogileng.

Kgotsa e ke neng ke batla go e ithuta, sengwe se ke neng ke batla go se bolelela ba bangwe.

Ke mmino o o feletseng go gaisa otlhe o nkileng ka o tlhama.”

Alebamo e, e na le tirisanommogo le bataki .

Bataki ba ba jaaka Big Sean, Teyana Taylor, DJ Jazzy Jeff, le morwa wa gagwe Jaden Smith.

E tshwaya porojeke ya ntlha ya ga Smith ya studio mo dingwageng tse di ka nnang 20.

E tletse ka dipina tsa dikopelo tsa Baebele le mafoko a dipina a a dirang gore motho a akanye.

Based on a True Story ke bosupi jwa loeto lwa ga Smith lwa go iponela se a leng sone le go nna le nonofo ya go itshoka.

Tsela e le nngwe e a neng a bua ka yone e ne e tlhalosa molaetsa wa gagwe ka botlalo.

Translator: Onkarabile Manganye